Нови проблеми за Милевски, остана и без Етеми

Македонската фудбалска репрезентација во понеделник го има првиот собир за мечевите со Грузија во Тбилиси на 23 септември и Бугарија во Скопје на 26 септември, две последни средби во групната фаза во Лигата на нации.

Селекторот Благоја Милевски има сериозни проблеми околу тимот, по повредата на Чурлинов, Тихомир Костадинов и Ердон Даци, сега на списокот се придодава и Ваљон Етеми.

Етеми во последните две недели беше одличен во турската Суперлига, но сепак повредата дојде во незгоден момент и за фудбалерот и за репрезентацијата.

Собирот на македонската репрезентација е закажан за утре од 12 часот, а од списокот отпаднаа и Бобан Николов, Кире Ристевски и Давид Бабунски.