Нови проблеми за Клоп пред клучниот дел во сезоната

Фудбалерот на Ливерпул, Жоел Матип ќе отсуствува шест недели поради повреда на клучната коска.

Матип се повреди на натпреварот против Наполи во кој Црвените обезбедија пласман во осмина финалето во ЛШ, а по деталните прегледи е утврдено дека се работи за фрактура на клучната коска.

Клубот соопшти дека Матип мора да операција. Тој би можел да ги пропушти следните осум натпревари во ПЛ.

Екипата на Јирген Клоп моментално е на лидерската позиција во ПЛ со 42 бода, односно бод повеќе од Манчестер Сити.

Ливерпул во наредното коло го очекува големо дерби против Манчестер Јунајтед. Тој натпревар е на програмта во недела од 17 часот на Енфилд.