Нови детали: Рејес не возел 237 km/h

Прославениот фудбалер на Севиља, Арсенал, Реал Мадрид и Атлетико го загуби животот на денот на минатогодишното финале во Лигата на шампионите во собраќајна несреќа на патот од Севиља кон родната Утера.

Рејес изгубил контрола и излетал од патот, а возилото се запалило. „Мундо Депортиво“ два дена после трагедијата објави податоци кои ги добиле од полицискиот увид. Според тие податоци се пишуваше дека Рејес во моментот на несреќата возел со 237 km/h. При тоа со голема брзина случајно свртел и удрил во заштитната ограда после што му пукнала гума и неповратно ја изгубил контролата.

Покрај Рејес со него во автомобилот биле уште Џонатан Рејес и Хуан Мануел Калдерон, Џонатан исто така го загуби животот додека вториот патник преживеал, но се здоби со изгореници на две третини од телото.

Сега после вештачењето се појавуваат нови детали. „Радио Антена 3“ објави дека не се точни информациите за брзината на Рејeс. Според најновите информации Рејес возел помеѓу 111 и 128km/h, што било во границите на дозволеното. Сепак и покрај тоа немал многу време за реакција.

José Antonio Reyes: No iba a 237 km/h, ¿a qué velocidad circulaba en el momento del accidente? | ANTENA 3 TV – NOTICIAS https://t.co/LyyZfBxuFA

— SevillaSevillaSevilla (@santi_mora) September 24, 2019