Голема акција: Нови апсења поради убиството на навивачот на АЕК

Преку европска потерница, Грција побара апсење и екстрадација на десет навивачи на Динамо Загреб кои се поврзуваат со нередите во Атина во кои животот го загуби еден навивач на АЕК.

Медиумите во Хрватска пренесуваат дека полицијата постапила по наредба и уапсила неколку навивачи, поточно девет.

Засега официјални информации нема, а од полицијата истакнуваат дека не сакаат да се огласуваат со цел од корист на истрагата.

Од друга страна адвокатите на уапсените навивачи тврдат дека грчкото правосудство нема никакви докази против обвинетите.