Нигерија преку пенали до финале

Фудбалската репрезентација на Нигерија е првиот финалист на Купот на африканските нации откако по изведувањето пенали славеше над селекцијата на Јужна Африка со 5:3.

Нигерија поведе од пенал во 67. минута. Вилијам Трост-Еконг беше сигурен од белата точка за водство од 1:0.

Јужна Африка не се предаде и во 90 минута со гол од пенал на Моноена стигна до 1:1 и се избори за дополнителни 30 минути во кои мрежите мируваа.

Во пенал рулетот Мокоена промаши за Ј. Афика во првата серија, а потоа и Макгопа не успеа да погоди, додека Ајна беше единствениот кој промаши за Нигерија.