Не оди во Русија, но пред него е голем трансфер

Иако торински Јувентус беше блиску до реализација на негов трансфер, Марсијал сега е многу блиску до екипата на Тотенхем.

Денешното издание на Дејли Мејл донесува информација која ќе им се допадне на навивачите на лондонскиот тим.

„Тотенхем наредната недела ќе го засили интензитетот на преговорите со Марсијал. Клубот од Лондон планира разговори со челниците на Јунајтед околу негов трансфер, а Марсијал е на врвот на листата од желби на Покетино.“ – пренесува Дејли Мејл.

Не е позната цифрата која Тотенхем ќе ја понуди за Французинот, а ако Марсијал дојде во овој тим, Спарси значително ќе се засилат во офанзивниот ред кој го предводи Хари Кејн.

Марсијал во Јунајтед стигна за 60 милиони фунти во 2015 година од Монако, но не се изнаигра премногу и најчесто шанса за игра добиваше од клупата.