Нејмар „ЕФЕКТ“: Меси фантастичен, Барса одлична, ПСЖ уште подобар!

Oва лето дојде до разделба помеѓу Меси и Нејмар, Бразилецот одлучи да премине во редовите на ПСЖ, но тоа барем засега не се чуствува во играта на Барса.

Напротив, Барса стартуваше одлично, Меси се враќа во препознатливата форма, а од друга страна и ПСЖ со Нејмар одлично започна, па трансферот на Нејмар на крајот можеби ќе се покаже како одличен потег за сите страни.

Нејмар од трансферот во ПСЖ одигра пет натпревари и запиша исто толку погодоци и асистенции. Од друга страна, Меси оваа сезона одигра шест натпревари, постигна осум погодоци, но не запиша ниту една асистенција.

Интересна е споредбата со статистиката на Меси од минатата година. Меси во овој момент има повеќе точни пасови, но помалку асистенции, повеќе удари кон голот, но и повеќе голови. Минатата сезона ова време имаше постигнато шест, а сега има осум.

Екипата на Барселона после двомечот во Супекупот на Шпанија, против Реал одигра четири натпревари и запиша исто толку победи. Од друга страна, ПСЖ оваа сезона одигра шест натпревари и не загубија ниту еден бод.