Незгодна ситуација: Дали де Вриј треба да игра против Интер? Навивачите велат НЕ

Дефанзивецот на Лацио Стефан де Вриј од следната сезона ќе настапува во дресот на Интер, а во последното коло токму Лацио и Интер на „Олимпико“ ќе одлучуваат кој ќе игра во ЛШ следната година.

Токму пред мечот на одлука помеѓу Лацио и Интер беше потврден трансферот на Де Вриј на „Џезепе Меаца“, па навивачите на римскиот клуб сметаат дека Холанѓанецот не смее да игра на тој натпревар.

Многумина се сомневаат во неговата професионалност и сметаат дека може да му „помогне“ на својот иден клуб следната година да игра во Лигата на шампиони.

Меѓутоа, челниците на Лацио и тренерот Инзаги веруваат во неговиот професионализам и најверојатно Де Вриј ќе биде во стартниот состав.

Навистина незгодна ситуација која може додатно да „зоврие“ доколку Холанѓанецот направи „кикс“ на тој меч.