Неверојатно: Швајцарските фанови го промашиле градот за мечот со Бразил – грешка од над 1.000 километри

Репрезентацијата на Швајцарија остави одличен впечаток во првото коло на Мундијалот и одигра 1:1 против Бразил, но на швајцарските навивачи им се смее цел свет.

Група швајцарски навивачи стана предмет на исмејување бидејќи го промаши градот. Наместо во Ростов на Дон каде што играа Бразил и Швајцарија, тие отишле во Ростов Велики кој е одалечен 1281 километар од вистинската локација.

Откако не успеале да го најдат хотелот, го побарале операторот за помош во вонредна ситуација, а тој можеше само да им се насмее на нивната ситуација.

„Вие сте во Ростов, но во Ростов Велики. Вашата репрезентација не игра во овој град, туку во Ростов на Дон. Тоа е илјада километри јужно од тука“, им рекол операторот.

#worldcup: A group of #sui fans booked a hotel in the wrong @Russian city, confusing Rostov-on-Don where Switzerland played #bra on Sunday, with Rostov Veliky, 1281 km (795 miles) away.

— Neal Collins (@nealcol) June 19, 2018