Неверојатно откритие: Гвидолин пред натпреварот влезе со ПУШКА во соблекувалната!

До сега сигурно сте слушнале разни приказни, но ваква веројатно не…

Оваа неверојатна приказна во медиумите ја раскажа поранешниот напаѓач на Палермо, Амаури. Тој откри неверојатни детали од тренингот на клубот во кој сега настапуваат македонските интернационалци, Александар Трајковски и Илија Несторовски.

Имено, Палермо го очекувал реваншот во Купот на УЕФА против Вест Хем во септември во 2006 година, а во главна улога бил тренерот на клубот од Сицијлија, Франческо Гвидолин.

„Никогаш нема да заборавам што се случи тој ден. Се спремавме за натпреварот против Вест Хем, а Гвидолин влезе во соблекувалната со пушка. Ја впери во сите нас и ни кажа дека ќе не убие, ако не ги згазиме на теренот. Неодамна имав средба со Фабио Симплисио и се потсетивме на овој момент. Убаво се насмеавме, но во тие моменти нас воопшто не ни беше сеедно“, изјави Амаури.