Искусниот англиски менаџер и поранешен тренер на Тотенхем, Хари Реднап верува дека играчите се виновни за отказот на Маурицио Покетино.
Покетино кој пред половина година ги донесе „спарси“ до историски успех и пласман во финалето од ЛШ, синоќа доби отказ од раководството.
„Луѓето велеа дека играчите го сакаат. Ако го сакаа можеа да играат малку подобро. На крајот на краиштата, тие му „наместија“ отказ. Резултатите не беа доволно добри бидејќи тие не играа доволно добро, затоа Покетино ја загуби работата“, изјави Реднап.
„Играа финале во Лигата на шампиони, но ако добро го анализирате тој период ќе видете дека имаа многу среќа. Меѓутоа, немаат освоено трофеј пет-шест години, а имаат одлична генерација со неколку феноменални играчи“, додаде Реднап.
Учество во игри на среќа е дозволено за лица со 18+ години. Играј одговорно!