На Клоп не му се допаѓа идејата за син картон

Еден од најдобрите фудбалски тренери на светот, Јирген Клоп, смета дека идејата за воведувањето на син картон не е добра.

Медиумите вчера објавија дека во фудбалот ќе се воведе син картон, кој ќе се користи за исклучување на фудбалерите на 10 минути по остар прекршок.

Од овој потег не е воодушевен германскиот тренер Јирген Клоп, кој кажа дека тоа ќе предизвика дополнителни проблеми во светот на фудбалот.

„Реалноста вели дека треба да им ја поедноставиме работата на судиите, а не да предизвикаме компликации и скандали. Јас имам 56 години, а искрено не паметам кога последен пат имало добра идеја во ФИФА“, кажа Клоп.