НАЈНОВО: Челси го нуди Давид Луиз за Жиру?!

Англискиот „Дејли Стар“ пренесува навистина интересна вест во завршницата од преодниот рок.

Имено, според информациите на овој медиум тимот на Челси е спремен да го понуди Давид Луиз на Арсенл со цел да ги добие услугите на Оливие Жиру.

Како што се наведува се чека само договорот околу Жиру за да бидат реализирани три големи трансфери, Мичу во Борусија, Обамејанг во Арсенал и Жиру во Челси.

Од друга страна познато е дека Венгер сака да ја засили одбраната. Се обидуваше со Џони Еванс од ВБА, но сумата од 25 милиони фунти која ВБА ја бара за Ирецот е превисока за „топчиите“.

Поради ова оваа опција за Арсенал би можела да биде одлична. Жиру кој не е среќен во клубот и сака поголема минутажа би заминал, а за возврат би добиле фудбалер кој ќе ја засили последната линија во тимот.

Останува да видиме што ќе се случи во финишот од преодниот рок и дали после размената Санчез-Михтаријан ќе видиме уште една помеѓу два англиски гиганти во еден преоден рок.

Chelsea star David Luiz has been offered to Arsenal in a shock Olivier Giroud swap deal. (Source: Daily Star) pic.twitter.com/hP2nZN8Fat

— Transfer News Live (@DeadlineDayLive) January 30, 2018