Најлудата теорија на денот: На Лајпциг ќе му беше подобро да одигра реми, откоку што го „разби“ Монако?

Германски Лајпциг вчера одигра одличен натпревар, но, можеби подобро ќе беше тоа да не се случеше.

Лајпциг вчера буквално го „уништи“ Монако на гостински терен. Тимот од Кнежеството изгледаше страшно на отварањето на натпреварот и после само девет минути игра веќе имаа предност од 2:0, но тука не застанаа. До крајот на полувремето беше 4:1, на крајот тој резултат се покажа и како конечен.

Благодарение на оваа победа Лајпциг дојде до седум бодови во групата „Г“ и има реални шанси за пласман во осминфиналето. Но, веднаш по натпреверот се појавија и германските аналитичари кои сметаат дека на Лајпциг можеби подобро ќе му беше да одигра реми во Монте Карло.

Ситуацијата во групата „Г“ е таква што Бешикташ веќе го обезбеди првото место и пласманот во осминафиналто, додека Монако е без шанси и за третото место кое води во Лигата на Европа, додека еден од Порто и Лајпциг ќе му прави друштво на Бешикташ во осминафиналето. И едниот и другиот тим имаат по седум бодови, но Порто има предност поради меѓусебниот дуел со Лајпциг. Во Германија беше 3:2 за, а во Португалија 3:1 за Порто.

И тука доаѓаме до идејата за теорија на заговор. Имено, во последното коло Лајпциг го дочекува Бешикташ, а Порто Монако. И двете гостински екипи нема да имаат премногу мотиви на овие натпревари, па Порто има големи шанси да се најде во осминафиналето.

Доколку пак вчера натпреварот помеѓу Монако и Лајпциг завршеше без победник, ситуацијата би била нешто поинаква. Монако тогаш би имал 3 бода, Лајпциг 5, а Порто 7. Во тој случај клубот од Кнежеството би имал шанса за пласман во Лигата на Европа, а со тоа и поголеми мотиви пред гостувањето на „Драгао“.

Но она што го забораваат Германците и оние кои веруваат во теорија на заговор е: Што ако при таква ситуација Бешикташ го победеше Лајпциг, а Монако славеше кај Порто? Тогаш Германците би останале и без Лигата на Европа.