Наполи се откажува од Гатусо, три имиња во игра

Во Наполи, како што пренесуваат италијанските медиуми, се спремни повторно да го променат тренерот.

На крајот од 2019. година, Наполитанците го отпуштија Карло Анчелоти и на негово место го поставија Џенаро Гатусо, но во клубот не се многу задоволни од работата на поранешниот фудбалер на Милан.

Наполи се надеваше дека ќе ја забележи третата победа во низа за искачување во горниот дел на табелата, но во неделата на домашен терен доживеа изненадувачки пораз од Лече (2:3), што предизвика големи критики на сметка на Гатусо.

„Во Наполи сериозно размислуваат за тоа во јуни да не му го продолжат договорот на Гатусо. Де Лаурентис бара алтернатива.“ – пишуваат италијанските медиуми.

Calciomercato.it наведува дека Наполи под водство на Гатусо освојува помалку бодови, постигнува помалку и прима повеќе голови за разлика од времето кога на кормилото беше Анчелоти.

Доколку Гатусо стане поранешен, се споменува дека во игра за негов наследник се три имиња, и тоа: Иван Јуриќ, Џанпиеро Гасперини и Лучано Спалети.