Наполи го договори првото засилување оваа зима

Наполи, според пишувањата на италијанските медиуми, го обезбеди првото засилување за вториот дел од сезоната.

Минатогодишните вице-шампиони во Серија А завршија на осмото место во првиот дел од сезоната со 18 поени помалку од водечкиот тандем Интер-Јувентус, па нема сомнение дека јануари ќе донесе големи промени во соблекувалната.

Неколку играчи се на излезната врата од Наполи, а кога станува збор за засилувања, првиот играч кој ќе пристигне е Станислав Лоботка, кој во наредните денови ќе потпише петгодишен договор со италијанскиот клуб.

Овој 25-годишен играч по сезона ќе заработува 1.8 милиони евра, а Селта Виго на име обештетување ќе добие помеѓу 18 и 20 милиони евра.

Во текот на својата кариера, Лоботка играше за Селта, Нордселанд, Тренчин и втората екипа на Ајакс.