Надал пред финалето: Уживам во ривалството со Новак, тоа ме направи подобар тенисер

Рафаел Надал и Новак Ѓоковиќ утре наутро во 9:30 часот по наше време ќе го играат финалето на Австралија Опен.

За Рафа ова ќе биде 25-то финале во кое ќе се брои за 18-тиот трофеј, додека Новак во 24-тото финале ќе се обиде да стигне до 15-тиот.

Ѓоковиќ во Мелбурн одигра шест финалиња и победи на сите шест, додека Надал од пет славеше само на едно.

Овие двајца во финалето на Австралија Опен играа и во 2012 година, тогаш Ѓоковиќ победи во меч кој траеше пет часа и 53 минути. Во овој момент на АТП листата Ѓоковиќ е лидер, додека Надал е веднаш зад него.

Надал пред мечот порача дека ужива во играњето против Ѓоковиќ.

„Уживам во нашето ривалство. Среќен сум затоа што Новак и Роџер ме направија подобар. Играв заедно со двајцата најдобри тенисер во историјата. Сите мечеви со Ѓоковиќ биле возбудливи, сигурно дека така ќе биде и овој пат“, изјави Надал.