Дома Фудбал Германија Нагелсман: Промашивме многу прилики, а постигнавме седум гола

Нагелсман: Промашивме многу прилики, а постигнавме седум гола

Фудбалерите на Баерн Минхен се пласираа во четвртфиналето во Лигата на шампионите откако на „Алијанц Арената“ го декласираа Салзбург со 7:1. Баерн во следната фаза поминува со вкупен резултат од 8:2.

Најдобар на теренот повторно беше Роберт Левандовски кој ги постигна првите три гола за Баерн и тоа во првите 20-тина минути. Со овој хет-трик Левандовски стана шестиот играч во историјата кој постигнал барем два хет-трика во една сезона.


Вака се слави гол во 120-та минута!!! ↓↓↓


Пред полскиот голгетер тоа го направија Кристиано Роналдо, Меси, Луис Адријано и Марио Гомез. Роналдо е единствениот во историјата кој постигнал три хет-трика во една сезона во ЛШ, тоа на Португалецот му успеа во сезоната 2015/2016.

„Многу добар натпревар за нас, технички неверојатна. Игравме одличен фудбал и отворивме многу ситуации, но од многу ситуации не постигнавме голови. Сепак, постигнавме седум гола“, изјави тренерот Нагелсман.

Задоволство од победата истакна и капитенот на Баерн, Мануел Ноер.

„Мислам дека во реваншот се покажавме во поинакво светло и не им дозволивме толку шанси од контра. Бевме стабилни и во одбраната. Мислам дека со оваа победа испративме порака. Пеналите ни донесоа добар старт и задоволни сме од настапот“, изјави Ноер.

Следниот натпревар Баерн го игра во сабота на гости против Хофенхајм во Бундеслигата.

Коментари
Прочитајте поврзани статии
Load More In Германија

Проверете

Ливерпул се откажа од Алонсо, замената за Клоп ја најде во Португалија!?

Откако Јирген Клоп јавно објави дека на крајот од сезоната ќе ја напушти клупата на Ливерп…