Мурињо ја потврди лошата вест: Мора да оди на операција!

Дефанзивецот на Манчестер Јунајтед, Ерик Баи ќе мора да замине на операција по хроничната повреда на скочниот зглоб, потврди Жозе Мурињо.

Репрезентативецот на Брегот на слоновата коста нема настап за „црвените ѓаволи“ од 5-ти ноември, а операцијата ќе значи отсуство од терените уште најмалку два месеци.

„Одлуката е донесена, Баи ќе оди на операција. Не би рекол дека е крај на сезоната за него, но во секој случај ќе паузира најмалку два-три месеци“, потврди Мурињо.

Ова сигурно е голем удар за „црвените ѓаволи“ бидејќи Баи е најдобриот дефанзивец кој Мурињо го има во тимот.