Мурињо тргнува по играчот кој не успеа да го доведе во Манчестер Јунајтед?

Mурињо не успеа да го доведе Иван Перишиќ во Манчестер Јунајтед, а сега ќе се обиде тоа да го направи на клупата на Тотенхем.

Португалскиот стратег е некој кој посебно го сака хрватскиот репрезентативец и го следеше долго време, па сега повторно ќе се обиде да го доведе.

Верува Мурињо дека Интер ќе го пушти хрватскиот фудбалер кој не добива доволно минутажа кај Антонио Конте. Се очекува Интер да не бара голема оштета, па Тотенхем не би требало да има проблем.

Инаку, Мурињо во Перишиќ гледа некој кој ќе биде конкуренција на Сон Хеунг Мин на позицијата лев крилен напаѓач.

Кога како тренер на Манчестер Јунајтед сакаше да го доведе Перишиќ Интер бараше повеќе од 50 милиони евра и тоа беше премногу за „црвените ѓаволи“.