Мурињо сака нов договор за Сон

Раководството на Тотенхем сака да го задржи во своите редови Хјонг-Мин Сон и веќе спреми нов договор.

Јужнокорејскиот напаѓач игра одлично веќе подолго време, а исклучително добро ја отвори и оваа сезона.

Сон е еден од најдобрите поединци во тимот на Мурињо, па клубот сака да го награди со нов договор, а „Специјалниот“ јавно побара од раководството да биде продолжен неговиот договор.

„Би сакал Сон да го продолжи договорот. Неговиот договор важи уште ѕтри години, па ситуацијата не е хитна. Сите во клубот го сакаат, се надевам дека ќе остане што е можно подолго“, изјави Мурињо.

Сон во моментов заработува 150 000 фунти неделно, а според новиот договор ќе добие покачување од најмалку 75 000 фунти неделно.