Мурињо: Постои шанса да се вратам во Италија

Откако се раздели со Манчестер Јунајтед Жозе Мурињо се поврзуваше со голем број клубови, но се уште чека на ангажман.

Неодамна беше објавена листа на од 25 тренери кои најмногу трошеле, а на таа листа Мурињо се најде на врвот. Сега во разговор за француски „РМЦ“ призна дека планира враќање во Италија.

Мурињо отворено кажа дека можеби ќе се врати во Италија, но не откри во кој клуб тоа би можели да биде.

„Во иднина? Фудбал и секогаш на високо ниво. Постои шанса да се вратам во Италија“, изјави Мурињо.

Потоа доби прашање за името на клубот…

„Никогаш не сум шетал наоколу и да зборувам кој клуб ме повикал. Одлучив да се вратам ова лето. Тоа е се што можам да ви кажам“, порача „Специјалниот“.