Мурињо нема дилеми кој е најдобар фудбалер во историјата

Ниту Жозе Мурињо не можеше да не го добие прашањето кое се однесува на во овој момент двајцата најдобри фудбалери во светот Лионел Меси и Кристиано Роналдо.

Кој е подобар, кој ви е повеќе драг?

Точно, Мурињо на прашањето кој е најдобар фудбалер во историјата својот глас го даде за трет фудбалер.

„Најдобар во историјата е Роналдо. Бразилскиот феномен“, изјави Португалецот.

„Никој него не може да го надмине. Тука мислам на талентот и способностите“, додаде тренерот на Тотенхем.

Неодамна Мурињо ги избра најдобрите 11 кој ги тренирал.

Тимот гласи вака: Чех, Занети, Тери, Карваљо, Галас, Макелеле, Лампард, Озил, Азар, Дрогба, Роналдо.