Мурињо за пресметката помеѓу Лорис и Сон: Тоа е прекрасно!

Големо внимание во англиските медиуми вчера привлече пресметката помеѓу Сон и Лорис на натпреварот Тотенхем – Евертон.

Дуото од Спарси за малку физички ќе се пресметаше за време на полувремето на натпреварот, но соиграчите навремено реагираа и спречија контакт меѓу Лорис и Кореанецот.

После натпреварот Жозе Мурињо не можеше да го избегне прашањето од новинарите за судирот на своите фудбалери.

„Тоа е прекрасно. Веројатно тоа е последица на нашите состаноци. Ако некој сакате да го обвините за тоа, тоа сум јас, бидејќи ги критикував жестоко.Тоа го направив бидејќи, според мое мислење, не доволно се критикуваат едни со други.“ – изјави Мурињо и додаде:

„Побарав од нив да бараат повеќе едни од други, да извршат притисок на тимскиот дух, сите да дадат максимум за секој.“