Мундијалот и донесе вртоглава заработка на Англија

Одличното претставување на Англија на Светското првенство и пласманот во четвртфиналето, се одразува исклучително поволно на локалната економија.

Досега, економијата на островот има раст од 1,3 милијарди фунти, а оваа сума може да се зголеми на 2,7 милијарди ако „Трите лавови” успеат да стигнат до финалето.

„Секој гол на Англија носи 165,3 милиони фунти на трговците, кои продаваат предмети со логото на националниот тим, и уште 33,2 милиони фунти на локалите во кои се гледаат средбите. На минатото светско првенство Англија отпадна уште во групите на турнирот, така што приходите за економијата беа минимални“, изјави Бамфилд, професор на Институт.

Тој додаде и дека Светското првенство дава многу поголема слобода на луѓето да донесуваат одлуки за инвестиции.