Мората е пред трансфер во Милан, а главен виновник е – Ибра!

Алваро Мората е пред трансфер во Милан, а најголеми заслуги за тоа има Златан Ибрахимовиќ. Како што објавуваат италијанските медиуми, Швеѓанецот лично му се јавил на Мората и го убедил да ја прифати понудата.

Џошуа Зиркзе е пред трансфер во Манчестер Јунајтед, Милан извиси од таа трка и затоа вниманието го насочи кон Мората.

Во договорот на Мората има откупна клазула од 13 милиони евра која не е проблем за Милан, па затоа потешкиот дел кд работата бил да се постигне договор со Шпанецот.

Во таквата ситуација на сцена стапил Ибрахимлвиќ кој му се јавил на Мората и го убедил во проектот на Фонсека.

Наводно Ибрахимовиќ му објаснил на Мората дека на него сериозно сметаат и очекуваат да биде големо засилување. Во моментов има одредени разлики околку економските детали, Милан нуди тригодишен договор и плата од 4 милиони евра по сезона, додека пак Алваро Мората преферира четиригодишна соработка и примања од 5 милиони евра по сезона. Сепак, разликата не е голема и се очекува двете страни да се договорат.