Модриќ цело лето „лајкнуваше“ објави на Милан – Бобан откри зошто

Милан ова лето беше прилично активен на трансфер пазарот.

На „Сан Сиро“ помеѓу останатите пристигнаа Рафаел Леао, Фран Кеси, Тео Ернандез, Исмаел Бенасер, Раде Круниќ и ќе видиме како овој тим на Милан ќе играа сезонава во Серија А.

Едно од можните засилување за Милан ова лето беше и Лука Модриќ кој констатно се поврзуваше со „росонерите“. Играчот за врска повеќе пати „лајкнуваше“ објави на Милан на Инстаграм, а тие негови потези предизвикаа еуфорија помеѓу навивачите. На крајот не се случи ништо.

Сега Звонимир Бобан откри дека не постоеле реални шанси да го доведат Модриќ.

„Модриќ? Тој е голем миланиста, фантастичен играч, но не постоеа реални шанси да го доведеме. Не сакаше да го напушти Реал после лошата сезона и тоа многу зборува за него“, изјави Бобан кој денес е во управата на Милан.