МЛС или Премиер лига – две опции се пред Суарез

Луис Суарез за неколку месеци ќе биде слободен играч откако ќе му истече договорот со Атлетико Мадрид.

Без оглед што има 35 години Суарез и понатаму важи за еден од најдобрите напаѓачи на денешницата и сигурно би претставувал големо засилување за поголемиот дел од клубовите. Уругвајскиот ветеран со своите голови и мајстории обележи една ера, а впечаток е дека најдобрите клубови како што влегува во залезот на кариерата повеќе не го сакаат како порано.

Суарез во последно време го изгуби местото стартер во Атлетико Мадрид и тоа е јасен знак дека може да бара нова средина.

Според најавите од Англија популарниот „Ел Пистолеро“ би можел да се врати во Премиер Лигата и тоа во редовите Астон Вила каде што тренер е Стивен Џерард. Ваквите најави не се појвауваат за првпат, ги имаше и пред неколку недели, а сега се погласни.

Покрај Астон Вила интерес за Суарез има и од МЛС тимот Интер Мајами, меѓутоа соработката со Џерард и тандем со Кутињо во Астон Вила изгледа како повеќе примамлива опција. Останува да видиме што ќе одлучи Суарез…