Митревски брани во супер форма: 18 минути без примен гол, 20 одбрани – МВП на натпреварот!

Maкедонскиот ракометен голман кој го носи дресот на Порто, Никола Митревски имаше фантастичен старт на сезоната во португалското првенство.

Во натпреварот од второто коло Порто славеше убедлива победа против Маиа Исмаи со резултат 12:31.

Митревски беше клучна фигура во оваа висока победа затоа што успеа да собере дури 20 одбрани и не прими гол цели 18 минути. Апсолутно заслужено Митревски на крајот беше прогласен и за МВП на натпреварот.

Со овој натпревар Митревски само ја потврди својата добра форма.