Мирабели за Тиаго Силва, Донарума, Андре Силва, Фалкао…

Масимилијано Мирабели во овој момент се наоѓа во Русија каде што ќе го следи Мундијалот и ќе скаутира неколку фудбалери.

Дали ќе дојде до размена Фалкао и Андре Силва? Дали Донарума ќе остане? Дали Тиаго Силва ќе се врати? Многу прашања беа поставени до управата на Милан која ќе направи се што е во нивна можност за да бидат посилни.

„Сега работата околу Донарума се смири, Раиола исто така ем ирен. Мислам дека ќе го задржиме во клубот на подолг период“, гласеше неговиот одговор на прашањето за Донарума.

Тиаго Силва?

„Тој е одличен играч, многумина сонуваат да дојдат во Милан или да се вратат“.

И на крај можноста за размена Фалкао – Андреа Силва? Тука одговорот беше јасен.

„Не. Колумбиецот е голем играч, но е се постар. Од друга страна, Силва имаше проблеми во првата година, но ќе добие нова шанса и сигурен сум дека ќе ја искористи“, заврши Мирабели.