Милер пред договор со Баерн за нова соработка

За разлика од Роберт Левандовски за кој се уште не е јасно дали ќе продолжи во Баерн Минхен и следната сезона, Томас Милер постигнал договор за нова соработка.

Милер целата своја кариера ја помина во Минхен и како што стојат работите ќе остане во овој клуб и до пензија. После натпреварот против Арминија Билефелд кој Баерн го доби со 3:0 Милер објави дека е блиску до нов договор.

„Разговараме и се оди во добра насока, мислам дека брзо ќе се најде решение“, изјави Милер.

Дилема во Баерн останува и за Серж Гнабри кој се уште не е во преговори за нов договор. Во сабота Баерн ќе ја има првата шанса да ја прослави десетта титула во низа и тоа во натпревар против Борусија Дортмунд.