Милвоки го доби Бруклин, пораз за Лејкерси во Чикаго, 50-ка за Дерозан 🎥

Тимот на Милвоки Бакс изминатата вечер во НБА лигата како гостин славеше со 120:119 после продолжeнија.

Двата финалисти одиграа одличен натпревар кој беше решен во последните секунди од продолжението. На 30 секунди до крајот на регуларниот дел Бруклин влезе со три поени предност, а потоа следуваше тројка на фантастичниот Јанис, со таа тројка мечот отиде во продолженија. Продолженијата беа решени со новите поени на Јанис на три секунди до крајот и промашувањето на Дурент во следниот напад.

Најефикасен на натпреварот беше токму грчкиот кошаркар со 44 поени и 14 скокови, добра поддршка имаше и од Холидеј. Во редовите на Бруклин, Дурент постигна 26, а Ирвинг 25 поени.

Продолженија имаше и на натпреварот помеѓу Чикаго и Лејкерси. Таму славеа домаќините со 135:130. На овој натпревар Дерозан стана 14. играч сезонава кој постигнал барем 50 поени. И покрај тие 50 поени можеше да биде трагичар затоа што промаши слободно фрлање во регуларниот дел. Со неговото промашување резултатот остана 118:118 и натпреварот влезе во продолженија.

НБА РЕЗУЛТАТИ: Детроит – Филаделфија 102:94, Атланта – Кливленд 131:107, Бруклин – Милвоки 119:120 по продолженија, Чикаго – Л.А. Клиперс 135:130, Јута – Л.А. Лејкерс 122:109.