Милан ја сака ѕвездата на ПСЖ

Германските медиуми пренесуваат дека Милан е силно заинтересиран за ѕвездата на ПСЖ, Јулијан Дрекслер.

Милан е во потрага по засилување на крилните позиции, а една од најголемите желби на „росонерите“ е токму Јулијан Дрекслер. 

Германецот не добива голема минутажа во Париз и е спремен да ја промени средината. Притоа неговиот договор со ПСЖ истекува на крајот на сезоната и на лето ќе биде слободен агент.

Милан сака да ја искористи таквата ситуација и веќе стапил во контакт со неговиот агент, а наскоро ќе испрати и официјална понуда.

Дрекслер прифаќа да се пресели на „Сан Сиро“, но како услов сака „росонерите“ да играат во Лигата на шампиони, а Милан е на добар пат да избори пласман за следната сезона.