Милан ја одреди цената за Бонучи

Се погласни се шпекулациите дека Леонардо Бонучи ова лето ќе го напушти Милан и ќе се пресели во Пари Сент Жермен.

31-годишниот дефанзивец наводно веќе ги договорил личните услови со францускиот клуб, а Милан нема да му стои на патот.

„Росонерите“ минатото лето за неговиот потпис платија 42 милиони евра, а сега за неговата слобода ќе бараат 40 милиони евра, тврдат италијанските медиуми.

Милан најпрво беше казнет од УЕФА за Финансиски фер-плеј, а потоа ја промени сопственичката структура, па сето тоа влијаеше за Бонучи да побара трансфер.

Манчестер Јунатед исто така покажува сериозен интерес за дефанзивецот, но ПСЖ е во предност бидејќи Бонучи сака да игра заедно со Буфон во Париз.