Милан тргнува по ѕвездата на Ливерпул

Играчот на Ливерпул, Наби Кеита кариерата би можел да ја продолжи во Серија А.

Како што пренесуваат италијанските медиуми, овој 25-годишен играч од средниот ред е на излезните врати во Ливерпул, а најсилен интерес за неговиот потпис покажува Милан.

Кеита во 2018 година од Лајпциг за 60 милиони фунти пристигна во Ливерпул, но не е задоволен од својот статус и сака да ја промени средината.

Во Милан следната сезона на кормилото ќе седне Ралф Рагник, човекот кој го донесе Кеита во Салцбург, а потоа и во Лајпциг.

Кеита за Ливерпул претходните две сезони настапи на 51 натпревар и постигна шест погодоци.