Милан спреми понуда за Берарди

„Кориере дело Спорт“ открива дека главната трансфер цел на Милан до крајот на преодниот рок ќе биде Доменико Берарди од Сасуоло.

Милан сака да ја засили десната крилна позиција, а најголема желба на тренерот Пиоли е токму Доменико Берарди.

Берарди одигра уште една одлична сезона, постигна 17 голови, а покажа добри партии и на Европското првенство.

Милан веќе стапил во контакт со агентот на Италијанецот и се очекува наскоро да започне преговори со Сасуоло.

„Росонерите“ се спремни да платат 5 милиони евра за едногодишна позајмива и 25 милиони следното лето за откуп.