Во последните неколку недели медиумите шпекулираа дека Лео Бонучи би можел да го напушти Милан после само 6 месеци од неговото пристигнување на „Сан Сиро“.
Денес пристигна категоричен демант од страна на спортскиот директор на „росонерите“, Масимилиано Мирабели кој истакна дека Бонучи не е на продажба и сигурно останува во Милан.
Шанса да станеш YouTuber! Приклучи се! ↓↓↓
„Лео не е на продажба по ниедна цена. Да не заборавиме дека тој освои два многу важни индивидуални трофеи и е меѓу најдобрите во светот. Со оглед на тоа колку пари се трошат за трансфери денес, Бонучи го купивме многу ефтино“, изјави Мирабели.
„Пред почетокот на сезоната донесовме многу фудбалери и ќе продолжиме со нив. Никој од новите нема да биде продаден, иако некои имаа потешкотии при прилагодувањето. Невозможно е да изградите тим само за еден трансфер период. Ние создадовме солидна база, тимот е млади и ќе расте во иднина“, додаде спортскиот директор на „росонерите“.
Учество во игри на среќа е дозволено за лица со 18+ години. Играј одговорно!