Милан и Интер се „тепаат“ за талент на Арсенал

Миланските гиганти Милан и Интер се силно заинтересирани за младиот напаѓач на Арсенал, Фоларин Балогун.

21-годишниот младински репрезентативец на Англија оваа сезона игра на позајмица со Ремс и блеска во Лига 1.

Балогун до сега на 28 настапи постигна 17 гола и 3 асистенции, па покажа дека е еден од најталентираните напаѓачи во Европа.

Тој на лето ќе се врати во Арсенал и има договор до 2025 година со „топџиите“, но јасно е дека нема да има голема минутажа на „Емирати“.

„Топџиите“ се спремни да го продадат доколку пристигне понуда од 25 милиони фунти, а миланските клубови наводно се спремни да ја платат таа сума.