Милан донесе одлука, ќе го откупи Ребиќ

Италијанските медиуми пренесуваат дека Милан донел одлука да го откупи Анте Ребиќ на крајот на сезоната.

Хрватскиот репрезентативец пристигна минатото лето на двегодишна позајмица од Ајнтрахт Франкфурт, а Милан во замена го испрати Андре Силва во Германија.

Двата трансфери се разделени, па Милан ќе има шанса да го откупи Ребиќ, без разлика на трансферот на Португалецот.

Ребиќ во последно време се претвори во клучен играч за „росонерите“ и само од почетокот на 2020 година постигна седум гола, па Милан одлучи да го откупи.

„Росонерите“ веќе почнале преговори со Ајнтрахт Франкфурт и сакаат да го откупат Хрватот по завршувањето на сезоната.

За перменентниот трансфер на Хрватот, Милан ќе треба да плати околу 30 милиони евра, а медиумите тврдат дека „росонерите“ се спремни да ја платат таа сума.