Милан го позајмува Де Кетеларе на директниот ривал

Чарлс де Кетеларе минатото лето пристигна во Милан како големо засилување за 35 милиони евра, но ќе го напушти клубот после само една сезона.

Белгиецот воопшто не се снајде на „Сан Сиро“ не се вклопи во системот на игра на Пиоли и не ги исполни очекувањата.

Сега на неговата позиција пристигнаа нови засилувања, па јасно беше дека неговата минутажа додатно ќе се намали и Милан сака да се ослободи.

Најсилен интерес за него покажува Аталанта, која сака да го доведе на позајмица со право на откуп.

Милан ја прифати понудата и се согласи да го пушти Де Кетеларе на позајмица за која ќе добие 3 милиони евра, а Аталанта следното лето ќе може да го откупи за додатни 23 милиони евра.