Милан го избра наследникот на Жиру

Главна цел на Милан во летниот преоден рок ќе биде доведување на врвен напаѓач кој ќе може да биде замена за Оливие Жиру.

Најново име на списокот на „росонерите“ е напаѓачот на Феенорд, Сантијаго Гименез. Мексиканецот со своите партии го привлече вниманието на многу европски гиганти.

На Милан воопшто нема да му биде лесно да ја победи конкуренцијата, бидејќи за Мексиканецот интерес покажуваат уште Реал Мадрид, Челзи и ПСЖ.

Меѓутоа, „росонерите“ веќе започнале преговори и агентот на Гименез неодамна бил во Милано на средба со раководството.

Според информациите од италијанските медиуми Мексиканецот е главна трасфер цел на Милан ова лето.