Меси со емотивна порака се прости од Валверде (фото)

Капитенот и најголема ѕвезда на Барселона, Лионел Меси испрати порака до Ернесто Валверде кој вчера доби отказ од клубот.

Очигледно беше дека двајцата имаат одлични односи и соработка, па Меси со емотивна порака се збогуваше од својот тренер.

„Ти благодарам за се господине. Каде и да отидеш, со сигурност ќе се справиш одлично, бидејќи не само што си исклучителен професионалец, туку и многу голем човек. Ти посакувам голем успех во иднина“, напиша Меси на Фејсбук.

Валверде беше на кормилото на Каталонците 2,5 години и освои две титули во Примера.