Меси потврди: Во Катар ќе биде моето последно Светско првенство!

Лионел Меси има 35 години и потврди дека Мундијалот во Катар кој ќе започне за нешто повеќе од еден месец ќе биде негово последно Светско првенство.

Светското првенство започнува на 20. ноември и тоа ќе биде последната шанса за Меси да стигне до светскиот трон со „Гаучосите“.

„Ова ќе биде моето последно Светско првенство. Одлуката е веќе донесена, тоа е сигурно“, изјави Меси.

Меси за наредното кое ќе се игра во САД, Мексико и Канада ќе има 39 години и очигледно смета дека ќе биде време местото да го отстапи на помладите.