Ако сакате квалитет морате да размислувате за здравјето на играчите, порачаа Килијан Мбапе и Роберт Левандовски и така ја отфрлија идејата за одржување на Светско првенство на секои две години.
Мбапе и Левандовски го кажаа својот став за плановите на ФИФА за воведување на СП на секои две години.
Кој ќе биде новиот шампион, Сити или Арсенал? ↓↓↓
„Светското првенство е посебно затоа што се одржува на секои четири години. Тоа е нешто неверојатно. Тоа е настан во кој не можете многу често да учествувате. Кога би се играло на секои две години би станало нормално натпреварување, тоа не смее да се случи“.
„Веќе сега играме 60 натпревари годишно, Европско, Светско првенство, Лига на Нации…Сакаме да играме, но тоа е премногу. Мораме да се одмориме и да правиме пауза. Ако луѓето сакаат квалитет, емоции и добра игра мораат да го почитуваат здравјето на фудбалерите“, порача Мбапе.
Слична беше изјавата и на Левандовски.
„Ако сакате на навивачите да им понудите нешто поинакво, мора да се паузира. Сјајот на Светското првенство ќе се изгуби ако играме на секои две години. И невозможно е во таква ситуација играчите да прикажуваат ист квалитет“, истакна полскиот голгатер.
Учество во игри на среќа е дозволено за лица со 18+ години. Играј одговорно!