Мартинез го напушта Баерн и се враќа дома

Хави Мартинез е блиску до заминување од Баерн Минхен.

Искусниот 30-годишен фудбалер веќе седум години го носи дресот на Баерн Минхен и изгледа дека е време за да се врати дома. Претседателот на Атлетик Билбао, Аитор Елизеги за „Мундо Депортиво“ изјави дека клубот без проблем ќе плати 20 милиони евра за Мартинез да се врати дома.

„Можеме да платиме толку пари за Мартинез без никакви проблеми. Имаме капацитет да донесеме такви засилувања. Од економска страна нема проблеми, но за конечната одлука треба да се консултираме со директорите“, изјави првиот човек на Атлетик Билбао.

„Билбао е вистински рај. Се уште имам многу пријатели и не можам да не кажам дека би сакал да се вратам таму“, изјави Мартинез.

Шпанскиот фудбалер од 2006. до 2012. година играше за Атлелтик. Настапи во 251 натпревар и постигна 26 гола. Баерн во 2012. година плати 40 милиони евра, а за баварскиот гигант и покрај големите повреди настапи 208 пати.