Марсијал бесплатно се сели во Милано

Фудбалерот на Манчестер Јунајтед, Ентони Марсијал ги одби понудите од Марсеј, Фенербахче и клубови од Саудиска Арабија во зимскиот преоден рок.

Меѓутоа, Французинот на лето сигурно ќе го напушти „Олд Трафорд“, а сега силен интерес за него покажува Интер.

Договорот на 28-годишниот Марсијал со „црвените ѓаволи“ истекува на 30 јуни 2024 година, па Интер гледа шанса да го доведе без обештетување.

Марота веќе работи на трансферот и имал неколку средби со агентот на Марсијал, кој е отворен за преселба во Милано.