По втор пат во последните три години Штудгарт испадна во Цвајт. Навивачите на петкратниот шампион на Германија тагуваат, но се надеваат дека тимот брзо ќе се врати во елитата, а дополнителна надеж им дава информацијата дека најдобриот играч на овој тим, Марио Гомез ќе остане во клубот.
Поранешниот репрезентативц на Германија одлучил да не го напушти бродот кој тоне и ќе се обиде да го спаси.
Салах руши рекорди! Викендов две големи дербија во Премиер Лига! ↓↓↓
„Марио не сака да замине во оваа ситуација. Сака да му помогне на клубот да се врати во Бундес лигата“, изјави агентот на 33 годишниот голгетер.
Дека има намера да остане потврди и самиот Гомез во една изјава пред неколку недели.
„Штудгарт е мој клуб. Тука се започна, би било убаво и тука да ја завршам кариерата“.
Гомез има договор до 2020 година и според тој договор неговата плата ќе биде значително намалена поради испаѓањето во втората лига. Место досегашните шест милиони евра, Гомез ќе заработува 4.5 милиони евра.
Со таа плата Гомез ќе стане најплатениот играч во историјата на германската втора лига. Претходниот рекордер беше Пјер Мишел Ласог кој во Хамбургер минатата сезона заработи 3.4 милиони евра.
Учество во игри на среќа е дозволено за лица со 18+ години. Играј одговорно!