Манчестер Јунајтед тргнува по италијански репрезентативец

Манчестер Јунајтед спрема понуда за десниот бек на Наполи и италијански репрезентативец, Џовани ди Лоренцо.

27-годишниот бек одигра одлично на ЕУРО и го привлече вниманието на „црвените ѓаволи“, кои сакаат ова лето да го донесат на „Олд Трафорд“.

Јунајтед е во потрага по алтернатива за Ван Бисака и првата трансфер цел е Киран Трипие, но неговата цена е многу висока.

Поради тоа Јунајтед сега се насочи кон Ди Лоренцо и спреми понуда за Италијанецот. Медиумите тврдат дека Наполи е спремен да го пушти за 25 милиони евра, сума која англискиот клуб е спремен да ја плати.