Манчестер Сити ја постави цената за Жесус

Напаѓачот на Манчестер Сити, Габиел Жесус е на мета на многу европски гиганти, пред се на Баерн Минхен и Реал Мадрид.

Бразилецот не е задоволен од малата минутажа која ја добива кај Гвардиола оваа сезона, па и самиот е спремен да ја промени средината.

„Граѓаните“ нема да му стојат на патот и веќе ја поставија цената, а англиските медиуми тврдат дека нема да го пуштат за помалку од 100 милиони фунти.

Најсериозен интерес за Жесус во моментов покажува минхенски Баерн, но Сити нема намера да ја намали цената бидејќи напаѓачот има договор до 2023 година.

Баерн ова лето беше заинтересиран и за Лерој Сане, но не успеа да постигне договор со „граѓаните“. Меѓутоа, Баварците сметаат дека 22-годишниот Бразилец има огромен потенцијал и може да биде наследник на Левандовски.