Манчестер Сити во јануари доведува стопер, кој би можел да биде?

Пеп Гвардиола доби решение за најголемиот проблем кој го мачи оваа сезона, а тоа се повредите.

По повредата на Емерик Лапорт, Манчестер Сити два пати беше поразен во првенството. Компани минатото лето го напушти клубот, а Стонс допрва треба да се врати, па на Пеп му остана само Николас Отаменди.

Поради тоа, тој беше принуден на стоперската позиција да игра со Фернандињо и во поразот од Волвс тоа се виде дека не може така да функционира. Затоа, управата на Сити одлучи да ја стави раката во џебот и да бара засилување. Како што пишува „Метро“, Гвардиола обезбедил финансии за едно големо засилување во јануари.

Се разбира, ќе бара дефанзивец, но постои проблем. Поради правилникот за бројот на домашните играчи кои пораснале во академијата, Сити ќе треба да се ослбооди од еден играч кој не е во таа категорија. Веројатно некој од резервните играчи ќе си оди на позајмица, шпекулираат англиските медиуми.